«Topohub.kz» геоақпараттық жүйесі

Жүйе туралы

Жүйе топография, коммуникациялар, жер кадастры және басқа географиялық байланысты ақпаратты өңдеуге, сақтауға және көрсетуге арналған.
Барлық деректер орталықтандырылған түрде сақталады және компьютерден немесе мобильді құрылғыдан қолжетімді.
«Topohub.kz» инженерлік желілерді жобалау мен пайдалану, құрылыс, геодезия, картография және геодеректерді қолдануға байланысты басқа міндеттер үшін пайдаланылуы мүмкін.

Топография

ТопографияКартадан қарау
Топографиялық түсірілім жүйеге жүктеліп, өңдеуден өтеді, сақталады және бекітілген шартты белгілер арқылы көрсетіледі.
Қорытынды деректердің сапасын қамтамасыз ету үшін өңдеу кезінде геобайланыстың дұрыстығы мен атрибуттық ақпараттың толықтығы бақыланады.

Коммуникациялар

КоммуникацияларКартадан қарау
Газ-, су-, электрмен жабдықтау, канализация және басқа инженерлік желілер картада жерасты және жерүсті орналасуын ескере отырып, 2D және 3D түрінде бейнеленеді.
Коммуникациялар деректері топографиялық түсірілім материалдарын өңдеу барысында, сондай-ақ қосымша дереккөздерді пайдалану арқылы қалыптастырылады.

Жер учаскелері

Жер учаскелеріКартадан қарау
Жер учаскелерінің басқа нысандарға қатысты орналасуы инженерлік желілерді жобалау мен пайдаланудың маңызды бөлігі болып табылады.
Жүйеде жер учаскелерінің шекаралары көрсетіледі, бұл ретте ешқандай жеке деректер қолданылмайды.

«Topohub.kz» жүйесінің артықшылықтары

Жүйе кеңістіктік деректерге байланысты кәсіби міндеттердің кең ауқымын қамтиды.
Мысалы, газ компаниясы газдандыру жобаларын жоспарлаудан бастап пайдалануға беруге дейінгі барлық кезеңде цифрлық тәсілдің артықшылықтарын пайдалана отырып жүргізе алады:
  • барлық жобалардың бірыңғай базасы, іздеу және талдау мүмкіндігімен
  • жоба шеңберінде барлық ілеспе құжаттарды сақтау
  • визуалды көрсетіліммен интерактивті карта